ஒருதலை காதல்

[ThePopeye]

அறியாத வயசில் நான்
புரியாத விதமாக
பல பேரு எனை கவர
ஆச தான் கொண்டேனே

மூணாம் வகுப்புல
புதுசா சேந்த புள்ள
மேல ஒரு ஆச வர
சொல்ல கூட தெரியவில்லை

ஒன்னாக ஓடி ஆடி
கண்ணா மூச்சி விளையாடி
களைப்பாகி போனாக்க
கை சோறு ஊட்டி விட்டு

அம்மா அடிச்சாக்க
கண்ண தொடச்சி விட்டு
ஆறுதலா இருந்த அவ
என் காதலினு சொல்லிக்கிட்டு

ஒருதலையா காதலிச்ச
தருதல நான் தானே

அப்புறம் நான் எத்தனையோ
பொண்ணுங்கள பாத்துப்புட்டு
எம்மனசு காதலிக்க
ஆசப்பட்ட என் கதைய
இப்போதான் சொல்லனும்னு
ஏனோ தோணுதுங்க

பள்ளி கூட இறுதியில
என் கூட படிச்ச புள்ள
மேல ஒரு காதல் வர
சொல்லத் தான் தோணவில்லை

அப்புறமா கல்லூரி
பேருந்தில் என்னோட
கூட வரும் ஒருத்தி
போனா மனம் கடத்தி

கல்லூரி காலம் வரை
என்னோட காதல் அதை
சொல்லாம நான் இருந்தேன்
இதயம் முரளி போல

மலராய் விழி மலர
பார்த்தே நா குழற
இதுவே என்னுடைய
இறுதி காதலென

சொல்ல முடிவெடுத்தே
சொன்னேன் அவளிடமும்
சொன்ன காதலையும்
அவ ஏனோ ஏற்கவில்லை

இப்படியே எந்நாளும்
என் காலம் போனாலும்
ஒருதலையா காதலிச்சு
போக வில்லை பேதலிச்சு

காதல் என்று சொல்ல
பெருசா ஒன்னும் இல்ல
மனசுல ஆசை வந்தா
மறைப்பது குற்றமில்ல

சொல்லி அடுத்தவர
காய படுத்தாம
மனசில் காதலிச்சா
அது ஒன்னும் தப்பே இல்ல

பழைய கத எல்லாம்
நினைச்சு பாக்குறப்போ
நினைத்தால் அது இனிக்கும்
லேசா மனம் வலிக்கும்

உண்மை காதலது
இன்றே புரிகிறது
ஒருதலை காதல் கொள்ள
மனமும் இனிக்கிறது ..


தோழி @shy அவர்கள் என்னுடைய காதல் வாழ்க்கை பற்றி கேட்டதால் எழுதியது . ஏதும் பிழை இருந்தால் தெரிய படுத்தவும் .
முழுக்க முழுக்க ரசிப்பதற்கு மட்டுமே எழுதினேன இவை யாரும் உண்மை இல்லை)