கால வழு

[ilakiyaa]

முன்னொரு காலத்தில்..
பனித்துளிகள் மேல் புரண்டேன்
மழைதுளியுடன் விளையாடினேன்
பூக்களின் மொழி மொழிந்தேன்
எறும்புகளுடன் ரயில் பிடித்தேன்
விண்மீன்களை கண்ணடித்தேன்
மலர் காம்பில் தேன் உறிந்தேன்
.
.
.
.
.
முன்னோரு காலத்தில்...
பட்டாம்பூச்சியுடன் மகரந்த சிறகடித்தேன்
தவளையின் கேள்விக்கு விடையளித்தேன்
பாவாடை பறவையாய் சுழல பறந்தாடினேன்
சுவர்க்கோழியின் இரகசியம் ஆமோதித்தேன்
அணில்பிள்ளையுடன் உடன்படிக்கை இட்டுவிட்டேன்
தொட்டாசிணுங்கியுடன் செல்ல சண்டையிட்டேன்
.
.
.
.
.
.
முன்னொரு காலத்தில்.....
வானவில்லுக்கு வண்ணம் தீட்டும் போட்டி வைத்தேன்
நிலவுக்கும் பொட்டு வைத்தேன்
சிப்பிகளை பொக்கிஷமாய் பதுக்கி வைத்தேன்
பொன்வண்டை தீப்பெட்டியில் சிறையடைத்தேன்
சூரியனை கைவிரல்களில் கைதாக்கினேன்
கல் எடுத்து கடவுளாக்கி விளையாடினேன்
.
.
.
.
.
முன்னொரு காலத்தில்....

 

[MASK]

முன்னொரு காலத்தில்....இலக்கியா!!

 

[Balan72]

சூரியனை கைவிரல்களில் கைதாக்கினேன்
கல் எடுத்து கடவுளாக்கி விளையாடினேன்

Prof Bruce Lipton calls this as the period of Heaven. What all the child thinks, It actually IS.