- Joined
- Oct 8, 2022
- Messages
- 2,931
- Points
- 133
ஆண்களுக்கு முகத்தில் மச்சம் இருந்தால் என்னென்ன பலன்கள் கிடைக்கும் தெரியுமா?
ஆண்களுக்கு முகத்தில் மச்சம் இருந்தால் என்னென்ன பலன்கள் கிடைக்கும் என்பது பற்றி சுருக்கமாக தெரிந்துகொள்ளலாம்.மச்ச சாஸ்திரம் படி வலது புருவத்தில் மச்சம் இருந்தால் அதிர்ஷ்டகரமானவர் மனைவியாக அமைவார் என்று சொல்லப்படுகிறது. வலது கண்ணில் மச்சம் இருந்தால் நண்பர்கள், உறவினர் மூலம் புகழ் கிடைக்கும்.
ஆண்களுக்கு இரு புருவங்களுக்கு இடையில் மச்சம் இருந்தால் தீர்காயுள் என்று மச்ச சாஸ்திரம் சொல்கிறது. அதேபோல், நெற்றியின் வலப்புறத்தில் மச்சம் இருந்தால் எதிர்பாராத தனப்பிராப்தி கிடைக்கும்.
இடது புருவத்தில் மச்சம் இருந்தால் பணக்கஷ்டமான வாழ்க்கை அமையும் என்கிறது மச்ச சாஸ்திரம். இடது கண் வெண்படலத்தில் மச்சம் இருந்தால் வறுமையான வாழ்க்கை அமையும் இருப்பினும் அதை சமாளிக்கும் பக்குவமும் அவருக்கு இருக்கும்.
இரு கண்களில் ஏதேனும் ஒன்றில் வெண்படலத்தின் கீழ் புறத்தில் மச்சம் இருந்தால் அவர்கள் பல்வேறு பிரச்னைகளை சந்திப்பார்கள். இரு கண்களில் ஏதேனும் ஒரு வெளிப்புற ஓரத்தில் மச்சம் இருந்தால் அவர் வாழ்க்கை சீராக இருக்கும். இருப்பினும் தனது வாழ்நாளில் ஏதேனும் ஒரு சம்பவத்தை சந்திப்பார்.
இடது கண்ணின் வலது புறத்தில் மச்சம் இருந்தால் சொத்து விஷயங்களில் சங்கடங்களை சந்திப்பார்கள் என்கிறது மச்ச சாஸ்திரம். இருப்பினும் ஓரளவுக்கு சொத்தை சேகரித்து வைத்து விடுவார்கள்.
மூக்கின் இடது புறத்தில் மச்சம் இருந்தால் எதையும் நம்பாதவர்களாக இருப்பார்கள். தவறான பெண்ணின் நட்பு, சிநேகமும் அவர்களுக்கு இருக்குமாம். மூக்கின் நுனியில் மச்சம் இருந்தால் அவர்கள் தயக்க குணம் உள்ளவர்களாக இருப்பார்கள். சற்று கர்வமும், சற்று பாதுகாப்பு உணர்வும் இவர்களிடம் மிகுந்திருக்கும்.
வலது கண்ணுக்குள் வெண்படலத்தின் மேல் புறத்தில் மச்சம் இருந்தால் அந்த நபர் ஆன்மீக சிந்தனை உள்ளவராக விளங்குவார். இடது கண் வெண்படத்தில் மச்சம் இருந்தால் அவருக்கு வறுமையான வாழ்க்கையே அமையும்.
மூக்கின் மேல் பகுதியில் மச்சம் இருந்தால் அவர்கள் எல்லா செளகரியமும் பெறுவார்கள். மூக்கின் வலது புறத்தில் மச்சம் இருந்தால் நினைத்ததை நடத்தி முடிக்கும் வல்லமை பெற்றிருப்பார்கள்.
வலது கன்னத்தில் மச்சம் இருந்தால் அவருக்கு பிறரை வசீகரிக்கிற சக்தி இருக்கும். உறவினர்கள் அவரை மிகவும் நேசிப்பார்கள். எப்பொழுதும் சிரித்த முகத்துடன் மகிழ்ச்சியான வாழ்க்கை அமையும். இடது புற கன்னத்தில் மச்சம் இருந்தால் அவருக்கு வறுமை, உயர்வு என இருவிதமான வாழ்க்கையை மாறி, மாறி சந்திப்பார்கள்.