Thiruppavai Thiruvempavai

[Nilaa]

Day 2



வையத்து வாழ்வீர்காள்...
நாமும் நம் பாவைக்குச்
செய்யும் கிரிசைகள் கேளீரோ...
பாற்கடலுள் பையத் துயின்ற
பரமன் அடி பாடி...
நெய் உண்ணோம்
பால் உண்ணோம்...
நாட்காலே நீராடி....
மை இட்டு எழுதோம்...
மலரிட்டு நாம் முடியோம்...
செய்யாதன செய்யோம்...
தீக்குறளைச் சென்று ஓதோம்...
ஐயமும் பிச்சையும்
ஆந்தனையும் கைகாட்டி...
உய்யுமாறு எண்ணி
உகந்தேலோர் எம்பாவாய்!!!!

 

[Nilaa]

Day 3



ஓங்கி உலகளந்த
உத்தமன் பேர்பாடி..

நாங்கள் நம்பாவைக்கு
சாற்றி நீராடினால்..

தீங்கின்றி நாடெல்லாம்
திங்கள் மும்மாரிப் பெய்து..

ஓங்கு பெருஞ்
செந்நெல்லொடு கயலுகளப்

பூங்குவளைப் போதில்
பொறிவண்டு கண்படுத்தத்

தேங்காதே புக்கிருந்து
சீர்த்த முலைபற்றி..

வாங்க குடம் நிறைக்கும்
வள்ளல் பெரும்பசுக்கள்....

நீங்காத செல்வம்
நிறைந்தாலோர் எம்பாவாய்....

 

[Nilaa]

Day 4

ஆழி மழைக் கண்ணா !!!!!



ஆழி மழைக்கண்ணா!
ஒன்று நீ கைகரவேல்
ஆழியுள் புக்கு
முகந்துகொடு ஆர்த்தேறி
ஊழி முதல்வன்
உருவம்போல் மெய்கறுத்து
பாழியந் தோளுடைப்
பற்பநா பன்கையில்

ஆழிபோல் மின்னி
வலம்புரிபோல் நின்றதிர்ந்து
தாழாதே சார்ங்கம் உதைத்த சரமழைபோல்
வாழ உலகினில்
பெய்திடாய் நாங்களும்
மார்கழி நீராட
மகிழ்ந்தேலோர் எம்பாவாய்!!!

 

[Nilaa]

Day 5

திருப்பாவை 5





மாயனை மன்னு
வடமதுரை மைந்தனைத்
தூய பெருநீர் யமுனைத் துறைவனை
ஆயர் குலத்தினில் தோன்றும் அணிவிளக்கைத்
தாயைக் குடல் விளக்கம் செய்த தாமோதரனைத்
தூயோமாய் வந்து நாம்
தூமலர் தூவித் தொழுது
வாயினால் பாடி
மனத்தினால் சிந்தித்து
போய பிழையும்
புகுதருவான் நின்றனவும்
தீயினில் தூசாகும்
செப்பேலோர் எம்பாவாய்.......

 

[Nilaa]

Day 5

திருவெம்பாவை 5



மாலறியா நான்முகனும்
காணா மலையினை நாம்
போலறிவோம் என்று உள்ள பொக்கங்களே பேசும்
பாலூறு தேன்வாய்ப் படிறீ கடைதிறவாய்
ஞாலமே விண்ணே பிறவே அறிவரியான்
கோலமும் நம்மை
ஆட்கொண்டருளிக் கோதாட்டுஞ்
சீலமும் பாடிச் சிவனே சிவனே என்று
ஓலம் இடினும் உணராய் உணராய் காண்
ஏலக் குழலி பரிசு ஏல் ஓர் எம்பாவாய்...

 

[Nilaa]

Day 6

திருப்பாவை 6



புள்ளும் சிலம்பின காண்,
புள்ளரையன் கோயிலில்
வெள்ளை விளிசங்கின் பேரரவம் கேட்டிலையோ?
பிள்ளாய்! எழுந்திராய்,
பேய்முலை நஞ்சுண்டு
கள்ளக் சகடம் கலக்கு
அழியக் கால் ஓச்சி
வெள்ளத்து அரவில்
துயில் அமர்ந்த வித்தினை
உள்ளத்துக் கொண்டு
முனிவர்களும் யோகிகளும்
மெள்ள எழுந்து
அரி என்ற பேர்
அரவம் உள்ளம் புகுந்து
குளிர்ந்து ஏலோர் எம்பாவாய்!!!!!

 

[Nilaa]

திருவெம்பாவை 6

மானே நீ நென்னலை
நாளை வந்து உங்களை
நானே எழுப்புவன் என்றலும்
நாணாமே போன திசை பகராய் இன்னம் புலர்ந்தின்றோ
வானே நிலனே பிறவே
அறிவரியான் தானே வந்து
எம்மைத் தலையளித்து
ஆட்கொண்டருளும்
வான்வார் கழல்பாடி வந்தோர்க்கு
உன் வாய் திறவாய்
ஊனே உருகாய்
உனக்கே உறும் எமக்கும்
ஏனோர்க்கும் தம் கோனைப்
பாடேலோர் எம்பாவாய்!!!!

 

[Nilaa]

Day 7

திருப்பாவை 7



கீசுகீசு என்றெங்கும்
ஆனைச்சாத்தன் கலந்து
பேசின பேச்சரவம் கேட்டிலையோ? பேய்ப்பெண்ணே!
காசும் பிறப்பும் கலகலப்பக் கைபேர்த்து
வாச நறுங்குழல் ஆய்ச்சியர் மத்தினால்
ஓசை படுத்த தயிர் அரவம் கேட்டிலையோ?
நாயகப் பெண்பிள்ளாய்!
நாராயணன் மூர்த்தி
கேசவனைப் பாடவும்
நீ கேட்டே கிடத்தியோ?
தேசம் உடையாய்!
திறவேலோர் எம்பாவாய்!!!

 

[Nilaa]

திருவெம்பாவை 7



அன்னே யிவையுஞ் சிலவோ
பல அமரர் உன்னற் கரியான்
ஒருவன் இருஞ்சீரான்
சின்னங்கள் கேட்பச்
சிவனென்றே வாய் திறப்பாய்
தென்னாஎன் னாமுன்னந்
தீசேர் மெழுகொப்பாய்
என்னானை என்னரையன் இன்னமுதென் றெல்லோமும்
சொன்னோங்கேள் வெவ்வேறாய் இன்னந் துயிலுதியோ
வன்னெஞ்சப் பேதையர்
போல் வாளா கிடத்தியால்
என்னே துயிலின்
பரிசேலோர் எம்பாவாய்!!!

 

[Balan72]

தீங்கின்றி நாடெல்லாம்
திங்கள் மும்மாரிப் பெய்து..

ஓங்கு பெருஞ்
செந்நெல்லொடு கயலுகளப்

பூங்குவளைப் போதில்
பொறிவண்டு கண்படுத்தத்

மும்மாரி பெய்து..
செந்நெல்லூடு..
கண்படுப்ப..