எனது விழி வழியில்...

[Agnii]

காதலின் உச்சம்
கண் அணை உடையும் கணம்
உன்னை இருக அணைத்த நான்!

மீளா பிடியில்
விரலின் நகம் கொண்டு-
என் முதுகை பிளந்து
விலகிச் சென்ற நீ!

சிதறிய இதய செல்களை
அள்ளி எடுத்து - அதனுள்
மடித்து வைத்த
நினைவுகள் மட்டும் என் சொந்தம்!

 

[Agnii]

அப்பா​

பிஞ்சு விரலின் தீண்டல்களில்
அகிலம் யாவும் என்னில் கண்டேன்!
மலர் பாதம் என் நெற்றி மோதியே
ஆண் அகங்காரம் நீங்க கண்டேன்!

வர்ண களஞ்சியம் உன்னை ஏந்தவே
விழுந்தேனோ மண்ணில் நானும்!
வயிற்றில் சுமக்காத குறை துடைக்கவே
தோள்கள் சுமக்கும் நாளும்!

தத்தி தவழும் மானுட மேகமானாய்
தாவி என் மார்பில் கடவுள் வடிவமானாய்!

இமைகள் சிமிட்டி இதழ்கள் விரித்து
'அப்பா' என்ற வேளையில்
புதிதாய் என்னை உயிர்ப்பித்த
தாயுமானாய் !!

 

[Agnii]

வாழும் நாள் எல்லாம்
வாழ்நாள் அல்ல;

உன் வருகைக்காக
காத்திருக்கும்- பல
நாழிகையின் தவிப்பை
அர்த்தமுள்ளதாக்கி கடக்கிறது-

உன் சந்திப்பில் நான் வாழும்
கண்ணிமை காலங்கள்!

 

[Agnii]

நீ

அதிகாலை ஜன்னலோரம்
திரைச்சீலை விலகலின்
மேனி தழுவும்
மிதமான கதிர்வீச்சுகளில் நீ!

காற்றில் தவழ்ந்து
விழிகள் அடைத்து
செவிகள் வருடும்
மெல்லிசை பாடல்களில் நீ!

தேநீர் கோப்பை
ஏந்திய பொழுதின்
தரை நோக்கும்
வெறித்த பார்வைகளில் நீ!

தனித்த பொடிநடையின்
தோழமை தந்து
தொடர்ந்து வரும்
பூவின் நறுமணத்தில் நீ!

புலன்கள் யாவிலும் நீ!
நித்தம் என் நினைவில்
நீங்காமல் நீ!

 

[Agnii]

காதலில் பிழை காட்சிப்பிழை

கையளவு வாழ்க்கை
மழையளவு காதல்;
கடுகளவு பிழை
கடலளவு காதல்...

உள்ளங்கையில் மழையை
அடக்கியவர் யார்!
கடலில் கடுகு
கண்டெடுத்தவர் யார்!

பின்னலில் சேராத ஒற்றை முடி
மெல்லிய சிரிப்பில் தெத்து பல்
கரையில் அலைகள் முடிக்காத ஓவியம்
நான்கு எட்டு நிறைவுறாத குழந்தை நடை
தோகை துறந்து வந்த ஒற்றை இறகு
கருமை வெண்மையற்ற வானவில்
குழல் துளையில் தப்பிய காற்று

என
நீண்டு கொண்டே போகும்
பிலைகளின் பெருமையும்
குரைகளின் பேரழகும்...
காதல் மூக்கு-கண்ணாடியில்!

 

[Agnii]

நேசவியல்

வானின் நீளம் அளக்கும்
பறவையை போல என் நேசம்!

காற்றின் சீற்றங்களில்
காயமுறாது அவ்விறகு;
அங்கையின் அழலுதலில்
அழிந்திடாது என் நேசம்!

முகந்திரிந்த முகக்களையை- என்
புன்முறுவல் தெளித்த முகத்தலில்
மகிழ்ந்து நீள்கிறது
இந்த பறவையின் பறத்தல்!

 

[Agnii]

கழுகண்ணே,
க(வி)த ஒன்னு சொல்லுறே
கவனமா அத நீ கேளண்ணே!

என்ன பெத்தா ஏ ஆத்தா,
அவ நெஞ்சுல பால் வரல
ரத்தங் குடிக்க எனக்கு புடிக்கல ;
அப்பன போல பட்டினியிலே
அவளுஞ் செத்து போனா பாடையிலே !

மேதைக - சுக்கிரனுல
தண்ணி தேடி போனப்ப,
இந்த பொட்டல் காட்டுல
ரொட்டி துண்டு ஒன்னு
தேடி அலஞ்ச பேதையண்ணே !

லட்டு ரெண்டுக்கு ஒரு குபேரரு
லட்ச ரூபா உண்டியல்ல போட்டாரு ;
பிச்ச கேட்டு போன என்ன
எச்சகளையினு வசஞ்சு
எட்டி ஒதச்சாரு !

சாராயங் குடிச்சு முடிச்சு
பஞ்சணையில சொகம் தேடுற
சீமானுங்க மத்தியிலே - நானு
வாய் எச்சில முழுங்கி
வயித்த நிரப்புற சாதியண்ணே !

வாய்பேசாத கோழிக்குஞ்சு - அத
பொசுக்கி வறுத்து தின்னாங்க;
கிறுக்கி நானு
பேசி தொலைச்சுப்புட்டே
உசுர மட்டும் விட்டு வெச்சாங்க!

பழந்தின்னு பசியாத்த
பழங்காட்டுக்கு போனா,
மேதைக - மரத்த வெட்டி
மேசைக செஞ்சுக்கிட்டாங்கனு
குருவியொன்னு பொலம்புச்சுண்ணே !

நாகரீகம் பாத்தவங்க,
விரல விட்டு - போசனத்த
கரண்டில தின்ன மறக்கல;
சதையிருந்த விரல - அப்பவே
வெட்டி தின்ன நான் மறந்துட்டே !

பசியோட நீ வந்திருக்க,
பருந்துக்கு விருந்து படைக்க
பாவிமக ஒடம்புல ஊனில்ல;
எலும்ப கொத்தி - உன்
அலக ஒடச்சுக்காதண்ணே !

 

[Agnii]

வேண்டுமடி நீயெனக்கு !

யுகங்களாய் சேர்த்து வைத்த
காதல் மேகங்களை பிழிந்து - நான்
மழையாய் பொழிந்து தள்ள
மதிமுகம் காட்டி விழிமூடி -
வேண்டுமடி நீயெனக்கு !

மொட்டு அரும்பும் மாலைக்கும்
பூ மணக்கும் விடியலுக்கும்
இடையில் ஆட்கொள்ளும்
தனிமை துடைக்க -
வேண்டுமடி நீயெனக்கு !

தலையணை ஆயுதம் ஏந்தி
நீ துரத்தும் நொடிப்பில்
உன் கூந்தல் கானகத்தில் ஒளிந்து
திசை தொலைத்திட -
வேண்டுமடி நீயெனக்கு !

ஊடல் கொண்டு பின்பு கூடல் கண்டு
இச்சை அடங்கிய முன்னிரவின்
முழுமதியின் ஒளியில் - என் மார்பில்
உன் விரல் புனைப்பெயர் தீட்டிட -
வேண்டுமடி நீயெனக்கு !

உன் பாதச்சுவடை மையப்படுத்தி
அரைவட்ட வளைகோடிட்டு
உப்புச்சாறு நிரப்பிய
கடலின் குறுக்களவு காண -
வேண்டுமடி நீயெனக்கு !

அக்கடலின் கருத்த மணலில்
புதைத்த கால்கள் தனை
மீட்க வரும் அலைகளை
அள்ளி அணைத்திட - என்னருகில்
வேண்டுமடி நீயெனக்கு !

வாகனங்கள் உறங்கிப்போன
ஒரு மார்கழியின் பின்னிரவில்
நிலாமுற்றத்தில் படுத்து
விண்மீன்களின் வருகைப்பதிவு கணக்கிட -
வேண்டுமடி நீயெனக்கு !

உனக்கு நான்
எனக்கு நீ
பிழையில்லா கணக்கு !

காதல் வழிந்தோடும்
பின்னொரு நாளில் - கண்ணம்மா
உன் மடியில் விழுந்து
உயிர் துறத்தல்
போதும் எனக்கு !

அதுவரையிலும்
வேண்டுமடி நீயெனக்கு...

 

[Agnii]

தொழிற்சாலைகளிலும்
தோட்டத்து பூக்களின் வாசம்
இதழ்கள் காயம் பட்டாலும்
இதயம் காயம் படாது
மனந்தாலும்
என்றும் மரணிக்காத
Mercury பூக்கள் இவர்கள்!

 

[Agnii]

நகரத்து ஓசைகளை
எங்கோ கழற்றி
எட்ட எரிந்துவிட்டு

மந்தரித்தது போல்
மனம் இங்கு
மங்கை உன்னை தேடுகிறது;

இதோ ஏதோ என்று
இதயத்தை ஏமாற்ற
இடுங்கி தான் போகிறது;

ஒவ்வொரு மணித்துளியும்
ஓம்காரமாய் நீ நிறைய
பரவெளியாய் நான்!

 

[Agnii]

 

[Agnii]

புன்னகை பூ!

பிரசவ வார்டில் மறு உயிர்
பெற்ற தாய்க்கு - சேயின் முகம்
ஒரு புன்னகை பூ;

சாலை நிறுத்தங்களில் காசை பெற்று
மவராசன் என்றுரைத்த பொக்கைவாய்
ஒரு புன்னகை பூ;

காதலனின் முதல் முத்தம் தனை
எதிர்பாரா வஞ்சியின் வெட்கம்
ஒரு புன்னகை பூ;

கணவனின் தீண்டல்கள் ஓய்ந்து
நிலவொளியில் நங்கையின் நாணம்
ஒரு புன்னகை பூ;

ரயிலின் கைதட்டல் ஓசையில் களித்த மழலையை வாழ்த்தும் திருநங்கை தோற்றம்
ஒரு புன்னகை பூ;

பந்தல் தோரணம் மத்தியில் - நீர்குமிழி
பிரதிபலிப்பில் மடந்தை பொழிவு
ஒரு புன்னகை பூ;

பெண்கள் என்னும் பூக்கள்
பூத்து குலுங்கும் பூந்தோட்டம்
எங்கள் பூமி!

 

[Balan72]

நகரத்து ஓசைகளை
எங்கோ கழற்றி
எட்ட எரிந்துவிட்டு

மந்தரித்தது போல்
மனம் இங்கு
மங்கை உன்னை தேடுகிறது;

இதோ ஏதோ என்று
இதயத்தை ஏமாற்ற
இடுங்கி தான் போகிறது;

ஒவ்வொரு மணித்துளியும்
ஓம்காரமாய் நீ நிறைய
பரவெளியாய் நான்!

ஓங்காரமாய் நீ நிறைய
பரவெளியாய் நான்.
Trying to absorb those heavy words.

 

[Nilaa]

புன்னகை பூ!

பிரசவ வார்டில் மறு உயிர்
பெற்ற தாய்க்கு - சேயின் முகம்
ஒரு புன்னகை பூ;

சாலை நிறுத்தங்களில் காசை பெற்று
மவராசன் என்றுரைத்த பொக்கைவாய்
ஒரு புன்னகை பூ;

காதலனின் முதல் முத்தம் தனை
எதிர்பாரா வஞ்சியின் வெட்கம்
ஒரு புன்னகை பூ;

கணவனின் தீண்டல்கள் ஓய்ந்து
நிலவொளியில் நங்கையின் நாணம்
ஒரு புன்னகை பூ;

ரயிலின் கைதட்டல் ஓசையில் களித்த மழலையை வாழ்த்தும் திருநங்கை தோற்றம்
ஒரு புன்னகை பூ;

பந்தல் தோரணம் மத்தியில் - நீர்குமிழி
பிரதிபலிப்பில் மடந்தை பொழிவு
ஒரு புன்னகை பூ;

பெண்கள் என்னும் பூக்கள்
பூத்து குலுங்கும் பூந்தோட்டம்
எங்கள் பூமி!

Wow.... beautiful நீர்க்குமிழி பொழிவு

 

[Agnii]

Wow.... beautiful நீர்க்குமிழி பொழிவு

நீர் குமிழி பிரதிபலிப்பு da...

Water bubble reflection la theriyara face nu solla try pannirken... Not sure how it was conveyed

 

[Nilaa]

நீர் குமிழி பிரதிபலிப்பு da...

Water bubble reflection la theriyara face nu solla try pannirken... Not sure how it was conveyed

Got it anna....

 

[Nilaa]

நீர் குமிழி பிரதிபலிப்பு da...

Water bubble reflection la theriyara face nu solla try pannirken... Not sure how it was conveyed

Conveyed correctly cool

 

[Balan72]

காதலின் உச்சம்
கண் அணை உடையும் கணம்
உன்னை இருக அணைத்த நான்!

மீளா பிடியில்
விரலின் நகம் கொண்டு-
என் முதுகை பிளந்து
விலகிச் சென்ற நீ!

சிதறிய இதய செல்களை
அள்ளி எடுத்து - அதனுள்
மடித்து வைத்த
நினைவுகள் மட்டும் என் சொந்தம்!

View attachment 11210

Amazing to feel your words.
விரலின் நகம் கொண்டு என் முதுகை பிளந்து விலகிச் சென்ற நீ!
சிதறிய இதய செல்களை அள்ளி எடுத்து - அதனுள் மடித்து வைத்த
நினைவுகள் மட்டும் என் சொந்தம்!
I had to cut and paste all most all of the poetry. word for word.
Unbelievable.

 

[Agnii]

Amazing to feel your words.
விரலின் நகம் கொண்டு என் முதுகை பிளந்து விலகிச் சென்ற நீ!
சிதறிய இதய செல்களை அள்ளி எடுத்து - அதனுள் மடித்து வைத்த
நினைவுகள் மட்டும் என் சொந்தம்!
I had to cut and paste all most all of the poetry. word for word.
Unbelievable.

Thank you so much

 

[Mathangi]

ஆடினேன்
மயிலா நீ
அடங்கு
என்று ஆணை வந்தது

பாடினேன்
குயிலா நீ
கூவாதே
என்று கேலி வந்தது

சிரித்தேன்
பொம்பள சிரிச்சா போச்சு
நிறுத்து
என்று சீறல் வந்தது

அழுதேன்
பொட்ட புள்ள ஒப்பாரி
வீட்டுக்கு ஆகாது
என்று உறுமல் வந்தது

எண்ணங்களை
நேர் பட பேசினேன்
அகந்தை
என்ற பட்டம் வந்தது

கற்பு பொய்
கண்ணியம் பொதுவென சொன்னேன்
கலகக்காரி
என பங்கம் செய்தது

சமூக கரையான்கள்
சீறும் சிங்கத்தை
அடக்க முடியுமா?

#SingaPenney

View attachment 11184

@Agnii semma